اسلام آباد 20 اګست (اے پي پي) نائب وزير اعظم او خارجه وزير سينيټر محمد اسحاق ډار وئيلي دي پاكستان يو ځل بيا معاشي قوت جوړول زمونږ هدف دے، ځوانان د تعليم ، هنر مندۍ او د ټيکنالوجي په څانګو كښې د سرمايه کاري ذريعه جوړيدې شي،د پاکستان ځوانان په زړه پورې صلاحيتونه لري،د هېواد ځوانان د مثبت بدلون ډېر اهليت لري۔د دې خيالاتو څرګندونه ده يوتھ کنونشن ته وينا كښې وكړه۔ده ووئيل تعليم د هر بچي او ځوان حق دے، تعليم سره هېواد روښانه كېږي۔ نائب وزيراعظم ووئيل ټولو بچو ته وئيل غواړم چې د زدكړو عمل عمر روان اوساتي، د تخليق او تعليم امتزاج خپلولو سره د پرمختګ نوې لاري ولټوې۔ده ووئيل اتحاد زمونږ سباؤن دے،په كركه ختمولو پرمختګ كولې شو۔ نائب وزيراعظم ووئيل د بلوچستان دورې په مهال ما وئيلي وؤ چې ځينې بلوڅ مرور دي،زه وايم څوك هم د خپلې خاوري څخه نه مروريږي ٬ خپلي مسئلې به په ګډه حل كوو خو د مروروتيا په نامه د ترهه ګرۍ كوم ګنجائش نشته۔ محمد اسحاق ډار ووئيل ځوانان دې محت ته خاص پام لرنه وكړي، حکومت ځوانانو له ښې آسانۍ وركوي، د خصوصي سرمايه کاري كونسل جوړولو مقصد ځوانان خپلواكه كول دي،دغسې ځوانان د تعليم ،هنر مندۍ او ټيکنالوجي په څانګو كښې د سرمايه کارۍ ذريعه جوړيدې شي۔ده ووئيل د پرمختګ او سوكالۍ په عهد كښې ځوانان شراكتدار دي۔ نائب وزيراعظم ووئيل 1998 كښې هېواد اتومي قوت جوړ شوے ،مونږ په خپله دفاع چرې هم سمجھوته نه ده كړې، قامي ګټې ته مو عمر له پام لرنه كړې ۔ده ووئيل مونږ دا مهال ګڼو چيلنجونو سره مخ يو، د پاکستان سباؤن نن د ځوانانو په لاسو كښې دے، د 2013 په حکومت كښې پاکستان د چرته نه چرته رسيدلے ؤ، هغه وخت د پاکستان د ډيفالټ كېدو خطر ؤ خو پاکستان د نړۍ يو ښه معيشت جوړ شو۔ محمد اسحاق ډار ووئيل د پي ډي اېم حکومت پاکستان بچ كولو لپاره ؤ،زمونږ دښمن غواړي چې پاکستان په معاشي توګه ختم کړے شي۔ده ووئيل پاکستان يو ځل بيا معاشي قوت جوړول زمونږ هدف دے۔
