لاهور۔17جنوری(اے پی پی) د وزيراعظم استازي او د پاكستان علماﺀ كونسل چيئرمېن علامه حافظ طاهر محمود اشرفي او په پاكستان كښې سعودي سفير نواف سعيد المالكي وئيلي دي سعودی حکومت پاکستانیانو حج کوونكو ته لا زياتې آسانۍ وركول غواړي۔ د دې خيالاتو څرګندونه دوي د شورؤ په ورځ دلته په يو نجي هوټل كښې تعظیم الحرمېن شریفېن کنفرنس كښې ګډون كوؤنكو ته خطاب كښې وكړه۔ په دې موقع په پاكستان كښې سعودي سفير نواف سعید المالکی،سینئر وائس پریزېډنټ (هوپ) محمد ثنا اللہ، سي او البراکه عاطف حنیف او د امتیاز الرحمان په شمول نور هم موجود وو۔ طاهر محمود اشرفي ووئيل د حج او عمرې معامله كرپشن څخه پاك ساتل د حكومت ترټولو وړومبۍ ترجيح ده٬ د سمندر پورې پاکستانیانو حج كوټه كښې به هم لا آسانۍ رامخې ته كوؤ٬ هيله ده چې په سعودي عربستان كښې كوم نوے سسټم جوړېږي هغه به حج كوونكو لپاره غوره ثابت شي۔ د سعودی د حج او عمرې وزارت به زمونږ بشپړه مرسته وكړي۔ ده ووئيل سعودي عربستان تل په سخت وخت كښې زمونږ مرسته كړې او مونږ په دې وياړ لرؤ۔ سعودي عربستان مونږ سره د اېښودلې ريزروز موده يو كال نوره پراخه كړې او دې سره به د پاكستان د معيشت مسئلو حل كولو له مرسته ترلاسه شي۔ ده زياته كړه چې د آرګنائزېشن هوپ پنجاب ټولو عهدېدارو مننه كومو چې دا پروقاره دستوره ئې راجوړه كړه۔ ده ووئيل حج هغه فريضه ده د كومې تعلق چې نېغ په نېغه پاك پروردګار او د هغه رسول كريم (ص) سره دے۔ ده ووئيل شاه فېصل شهيد به ځان ته باچا نه بلكې خادم الحرمېن الشريفېن وئيل خوښول۔ ده ووئيل سعودي عربستان او پاكستان دوه داسې هېوادونه دي كوم چې د هېواد سلامتيا ٬ دفاع او استحكام په اړه يو پېټ فارم دے ٬ زمونږ ګټې يو دي ٬ پاك پروردګار د حرمېن شریفېن زمكه سعودي عربستان ته وركړې او د نړۍ اولنې اتومي قوت يۍ پاكستان جوړ كړے ۔ په دې موقع خپله وېنا كښې سعودي سفير نواف سعید المالکی ووئيل د پاکستان حج كوونكو خيال ساتل عظيمه ذمه واري ده٬ دې سره د پاك پروردګار قرب ترلاسه كېږي۔ سعودي حكومت د مقدسو ځايونو زيارت آسانولو له كوټلي ګامونه پورته كړي په كومو كښې چې روډ ټو مکه حجاج كرامو لپاره تر ټولو مهم ګام دے۔ دې سره به د حجاج كرامو سفر كم شي۔ د دستورې په پايه كښې خاص مرستيال طاهر محمود اشرفي سعودي سفير ته سوینئر او هوپ طاهر اشرفی ته شیلډ وركړو
