اسلام آباد۔3جولائی(اے پی پی) وزيراعظم شهباز شريف په سويډن كښې د قرآن پاك د بې حرمتۍ پېښې غندنه كولو سره غوښتنه كړې ده چې سويډن حكومت دې د مجرمانو په ضد فوري كارروائي او په سباؤن كښې د دې ډول ناوړه پېښو مخنيوي له اقدامات وكړي٬ د هېواد پرمختګ او سوكالۍ له به حكومت ٬ سياستوالو او ادارو له په ګډه كار كول وي٬ آئي اېم اېف لوظنامې سره مونږ ته د ساه اخستلو موقعه ترلاسه شوې ده٬ دعا ده آئي اېم اېف سره دا زمونږ وروستې پروګرام وي ٬ مونږ له به سباؤن كښی د اوږدې مودې پرېكړې كول وي۔ د دې خيالاتو څرګندونه ده د ګل په ورځ د وفاقي كابينې غونډې ته خطاب كښې وكړه۔ ده ووئيل د پاك پروردګار فضل دے چې يو څو ورځې وړاندې آئي اېم اېف سره لوظنامه د زياتو هڅو له امله خپل منطقي انجام ته ورسېده۔ په دې كاميابۍ ټولو غړو او په خاص توګه د خزانې وفاقي وزير ٬ دده ډلې او اړوندو وزارتونو ته مباركي وركوم۔ آئي اېم اېف سره د 9 مياشتو سټېنډ بائی لوطنامه شوې ده٬ دې لوظنامې سره به پاكستان ته 3 اربه ډالره ترلاسه شي٬ اولنې قسط به په جولائي كښې د 1.1 اربه ډالر ترلاسه شي۔ ده ووئيل خارجه وزير بلاول بھټو زرداري په دې لړ كښې بشپړه سفارتي هڅې وكړې كومې چې د ستائنې وړ دي۔ د خارجه وزير لخوا پېغام ترلاسه شو دې چې د ملګرو ملتونو عمومي سېكتر پاكستان سره نوره مرسته كولو كښې د كردار ترسره كولو باور راكړے دے۔ ده ووئيل چين تېره مياشت په سختو حالاتو كښې زمونږ بشپړه مرسته وكړه۔ ده ووئيل مونږ د چين مرسته كله هم هېرولې نه شؤ۔ ده ووئيل سعودي عربستان هم د 2 اربه ډالرو باور راكړې۔ دغسې د متحده عرب صدر سره د پلاوي په كچه ملاقات كښې هغه هم مونږ ته د يو ارب ډالر راكولو باور راكړو۔ دغسې د پېرس دورې په مهال د اسلامي ترقياتي بېنك صدر د ملاقات په مهال مونږ ته د يو ارب ډالر راكولو لوظ وكړو۔ ده ووئيل حكومت ٬ سياستوالو او ادارو له به راروانو 15 نه تر 20 كلونو پورې په خپله خپله دائره كښې پاتې كېدو سره په ګډه كار كول وي۔ ده ووئيل پېرس ته ما سره د تلي پلاوي غړو مننه كوم۔ دوئي د آئي اېم اېف منېجنګ ډائرېكټر سره د ملاقات په مهال مذاکراتو كښې مهم كردار ترسره كړو۔ ده ووئيل دعا ده چې دا زمونږ آئي اېم اېف سره وروستې پروګرام وي۔ ده ووئيل هر كال مونږ له 600 اربه روپۍ په پاكستان سټيل ملز او پي آئي اے مصرف كول دي؟ په داسې صورت كښې مونږ پرمختګ څنګه كولې شؤ۔ ده ووئيل مونږ له به سباؤن له پرېكړې كول وي۔ په راروانو ټول ټاكنو كښې چې كوم هم ګوند كاميابي ترلاسه كړي هغې له به په دې لاره تلل وي۔ وزيراعظم په سويډن كښې د قرآن پاك د بې حرمتۍ قبيحې او ناوړه پېښې ذكر كولو سره ووئيل د دې پېښې غندنه ټول اسلامي ملت ٬ پاكستانې قوم او د پاكستان حكومت كوي او زمونږ مطالبه ده چې د مجرمانو په ضد دې په سمدستي توګه كارروائي وكړې شي۔ ده ووئيل د بده مرغه دا كومه اولنۍ پېښه نه ده ٬ دې څخه وړاندې هم زړه ته دړد رسوؤنكې دا ډولې پېښې رامخې ته شوي دي او دې څخه دا ثابتېږي چې په سويډن كښې ژوند كوؤنكي مسلمانان په اقليت كښې دي۔ دغلته د اسلامو فوبیا، نفرت، تفریق بيانيه جوړه كړې شوې ده۔ د پاكستان حكومت د دې غندنه كوي او سويډن حكومت څخه مطالبه كوي چې هغه د دې پېښو او بيانيې بشپړه نوټس واخلي۔ ده ووئيل دا خبره د اطمينان وړ ده چې او آئي سي په دې معامله بېړنۍ غونډه رابللې ده او په دغه غونډه كښې يۍ د دې ناوړه حركت سخته غندنه كړې ده او غوښتنه يۍ كړې ده چې د مجرمانو په ضد دې نه يوازې تاديبي كارروائي وكړې شي بلكې په سباؤن كښی دې د دې ډول پېښو مخنيوي له اقدامات وكړې شي۔ وزيراعظم ووئيل د پاكستان حكومت د او آئي سي د دغه غونډې او پرېكړې بشپړه ملاتړ كوي او هيله ده چې دا ډول پېښه به سباؤن كښې رامخې ته نه شي۔ سويډين حكومت څخه دا يوه سمه مطالبه ده۔ ده ووئيل مونږ به د خپل خارجه وزارت د لارې د دې بشپړه فالو اپ كوؤ۔
