لاهور 13 جون (اے پي پي) د اطلاعاتو او خپرونو وفاقي وزيرې مريم اورنګزېب وئېلي دي چې فسادي٬فتنې او د وسله والو ډلو ماسټر مائينډ په خپل كور كښې كينښاستلو سره جناح هاؤس ته اور لګونكې٬د قائداعظم عكسونه سوځونكې او د قائداعظم كور ته زيان رسونكې چرې هم هېواد سره مينه لرونكې نشي كېدې٬هېواد سره مينه لرونكې كوم هم تن داسې حركت نشي كولې٬د 9 مئي په پېښو كښې چې څوك هم ككړ دې انجام ته به رسولې شي۔د دې خيالاتو څرګندونه دې د نهې په ورځ د جناح هاؤس دورې په موقع مېډيا سره په خپلو خبرو كښې وكړه۔وفاقي وزيرې وئيل د پاكستان اولس وكتل چې څه ډول په 9 مئي وسله والو په جناح هاؤس بريد كړې٬حساس تنصيبات يې په نښه كړي٬د شهيدانو يادګارونه يې سوځولي٬د جناح هاؤس په كورېډور كښې د قائداعظم په عكسونو پېټرول اچولو سره اور لګولې شوې٬په جناح هاؤس كښې دننه لويه تباهي شوې٬د قائداعظم په استعمال كښې ګاډي او تاريخي څيزونو ته زيان رسولې شوې٬په جناح هاؤس كښې جومات هم سوځولې شوې۔دې ووئيل د 9 مئي په پېښو كښې ككړ كسان هېواد سره مينه لرونكي نشي كېدې۔داسې كسان د هېواد دښمنان دي۔دې ووئيل د 9 مئي پیښې نه پس ټول قام او د پاكستان سره مينه لرونكې سياسي ګوندونه د يو نوې عزم سره يو موټې شوي۔د اولس او سياسي ګوندونو غوښتنه ده چې په 9 مئي پېښو كښې ككړ كسان دې انجام ته ورسولې شي۔
