اسلام آباد 04 فروری (اے پی پی)د سېنېټ چيئرمېن محمد صادق سنجراني وئېلي دي چې د پاكستان په بېلو څانګو كښې د سعودي سرمايه كاري د ستائنې وړ ده٬په سرمايه كارۍ كولو د سعودي قيادت او سرمايه كارو د اړخه په پاكستان د باور څرګندونه ده۔د دې خيالاتو څرګندونه ده د زيارت په ورځ پارليمنټ هاؤس كښې د سعودي عرب سفير نواف بن سعيد المالكي سره د ملاقات په مهال وكړه۔د سېنېټ چيئرمېن ووئيل د سعودي ولي عهد محمد بن سلمان دورې سره به د دواړو هېوادونو ترمينځه ګڼ اړخيزې اړيكې لا مستحكم شي۔ده د سعودي عرب د خپلې دورې ذكر كولو سره ووئيل چې د سعودي قيادت سره ګټورې خبرې اترې شوې دي او د دواړه اړخه اړيكې لا مستحكم كولو كښې خوښي څرګنده كړې خو د دواړو هېوادونو ترمينځه پارليماني اړيكو ته ودې وركولو ته اړتيا ده۔د ملاقات په مهال د سېنېټ چيئرمېن د سعودي شورا كونسل صدر ډاكټر عبدالله محمد ابراهيم الشېخ د پاكستان دورې د بلنې خط هم د سعودي سفير له وركړو۔ده ووئيل په سېنېټ كښې د سعودي عرب او پاكستان ملګرتيا ډله جوړه شوې چې مقصد يې د دواړو هېوادونو ترمينځه پارليماني اړيكو قوي كول دي۔د سعودي عرب سفير د سېنېټ چيئرمېن خيالاتو سره اتفاق كولو سره ووئيل چې پاكستان د سيمې مهم هېواد دې او د دواړو هېوادونو ترمينځه د ملګرتيا اړيكې په هر سخت وخت كښې آزمائېلې شوي دي۔ده ووئيل د دواړو هېوادونو ترمينځه په بېلو څانګو كښې دوه اړخيزه مرستې ته ودې وركولو ته اړتيا ده۔
