اسلام آباد ۔ 9 اکتوبر (اے پی پی) د منصوبه بندۍ ٬ پرمختګ او اصلاحات وزارت د سركاري څانګې پرمختيائي پروګرامونو كښې د اېوي اېشن ډويژن پرمختيائي كارونو له 20 كروړه نه د زياتو روپو فنډز جاري كړې دي۔ حكومت ددې ډويژن پرمختيائي كارونو له د روان مالي كال په مهال 3 اربه 65 کروړه نه د زياتو روپو فنډز بېل كړې دي۔ د پلاننګ كمېشن لخوا د جاري كړې شويو شمېرو لمخې حكومت د بنو ایئرپورټ اپ ګرېډېشن له 50 لکھ، د ترکیه او پاکستان ترمينځه مېټروجیکل څانګې له 63 لكه، کراچۍ كښې د موسمي پېش ګوئۍ په لړ كښې رېډار لګولو له 30 لكه او نیو اسلام آباد انټرنېشنل ایئرپورټ كښې د اے اېس اېف د امنيت استوګنې منصوبو له د 17 كروړه 19 لكه روپو په شمول بېلو پرمختيائي منصوبو له فنډز جاري كړې دي
