اسلام آباد 26 اګست (اے پي پي) د سېنېټ٬ قامي اسمبلۍ او د څلورو واړو صوبائي اسمبلو غړي به د ستمبر په 4مه نېټه نوې اولس مشر ټاكي۔ د پاكستان د ټاكنو كميسون له مخې په اسلام آباد٬ لاهور٬ كراچې٬ پېښور او كوئټه پريزائيډنګ افسرانو سره د نامزدګې كاغذونه د اګست د 27مې نېټې تر نيمې شپې جمع كېدې شي۔ په اسلام آباد كښې به ريټرنګ افسران د نامزدګې د كاغذونو جانچ پړتال د اګست تر 29مې نېټې سهار لسو بجو پورې كوي۔ په وفاقي پايه تخت اسلام آباد كښې كانديدان خپل كاغذونه د نامزدګې نه پس بله ورځ د شپې تر دولسو بجو بېرته اخستې شي۔ په كراچې ٬ پېښور او كوئټه كښې به په صوبائي اسمبلو كښې پولنګ سهار لس بجې پېل كېږي كوم به چې د مازديګر تر څلورو بجو روان وي۔ د اولس مشر ممنون حسېن پنځه كلنه موده راتلونكې مياشت پاې ته رسي۔
