اسلام آباد۔4فروری (اے پی پی) وفاقی وزیر اطلاعات تے نشریات چوہدری فواد حسین آسٹریلیا کرکٹ ٹیم دے دورہ پاکستان دا خیر مقدم کیتے۔ جمعے کوں آپݨے ہک ٹویٹ اچ انہاں آکھیا جو سوھݨے ملک پاکستان اچ آسٹریلیا دی کرکٹ ٹیم دا خیر مقدم کریندوں، تساں اساݙے لاہور اتے کراچی دے کھانیاں توں لطف اندوز تھی سڳدو۔ پتہ ہووے جو کرکٹ آسٹریلیا ، آسٹریلین مینز ٹیم دے دورہ پاکستان دی توثیق کر ݙتی اے۔ آسٹریلوی کرکٹ ٹیم آپݨے دورے اچ ترائے ٹیسٹ میچ، ترائے ون ڈے اتے ہک ٹی ٹونٹی انٹرنیشنل میچ کھیݙسی۔
