اسلام آباد 09 دسمبر (اے پی پی) اولس مشر ډاكټر عارف علوي وئېلي دي د انصاف٬پارليمان او د ايګزېكټو نه پس احتساب د رياست مهمه برخه ګرځېدلې ٬ بايد احتساب د زورور او لويې سړي نه پېل شي٬په پاكستان كښې احتساب په غېر سياسي بنيادونو مخ په وړاندې روان دے٬د هېواد هر يو وګړې د ووټ په زور د سياست نه بدعنواني ختولې شي۔د احتساب قامي بيورو دې په ورځپاڼو كښې په خپرېدونكو خبرونو غبرګون وركول پرېږدي۔هر يو څيز نه خبر جوړول د ورځپاڼو كلتور جوړ شوې۔په نړۍ كښې احتساب د جمهوري حكومتونو جوړیدو نه پس راغلې خو تر ټولو وړاندې مسلمانانو لپاره د احتساب نظام نبي كريم(ص)پھ دور كښې پېل شوې۔د مدينې رياست د هر يو مسلمان ارمان دے۔ده دا خبرې د ګل په ورځ د بدعنوانۍ مخ نيوي نړيوالې ورځې په موقع دستورې ته خپله وېنا كښې وكړې۔اولس مشر ووئيل پاكستان تحريك انصاف چې كله د بدعنوانۍ په ضد جهاد پیل كړو نو خلقو به وئېل پي ټي آئي ته به ووټ ورنه كړې شي ځكه چې په تېر وخت كښې به د خلقو ووټونه اخستې كېدل٬مونږ ته به په خپل انتخابي نظام كښې د بدعنوانۍ خاتمې لپاره لا اقدامات كول وي۔ده ووئيل نن هم د احتساب په نوم عام وګړی كنفيوز كولې شي۔ده ووئيل مونږ ته به د بدعنوانۍ خاتمې لپاره د هرې خوا نه استفاده كول وي۔اولس مشر ووئيل د قانون ت رمخه ټول وګړي يو برابر دي۔ده ووئيل له بده مرغه اشرافيه او عام وګړي لپاره د جلا جلا قانون چېلنج نن هم شته۔د دې خاتمه د وخت ضرورت دے۔ده ووئيل كله چې په ټولنه كښې د كرپټ خلقو نه د لرې كېدو روايت پیل شي نو د بهترۍ سفر به پېل شي۔ده ووئيل بايد احتساب د طاقتور او لويې سړي نه پېل شي٬په پاكستان كښې احتساب په غېر سياسي بنيادونو مخ په وړاندې روان دے٬د هېواد هر يو وګړې د ووټ په زور د سياست نه بدعنوانې ختمولې شي
