اسلام آباد ۔ 24 فروری (اے پی پی) د پاك هوائي ځواك مشر ائیر چیف مارشل مجاهد انور خان وئيلي دي پاكستان امن خوښوونكې هېواد دے ٬ كه په مونږ جنګ مسلط كړې شو نو په هر قيمت به د خپلو فضائي پولو حفاظت باوري كوو۔ ده دا خبره د اتوار په ورځ د پاک فضائیه فارورډ آپرېټنګ بېسز دورې په مهال په بېسز د پاك فضائيه عملې سره خبرو كښې وكړه۔ ده ووئيل پاك فضائيه نورو وسله والو ځواكونو سره د آپرېشنل تياريانو او بشپړه همغږي لرلو لامله د هر ډول چېلنجونو مقابلې صلاحيت لري۔ ده ووئيل پاك هوائي ځواك د قومي هيلو ترمخه د دښمن د كوم هم جارحيت بشپړه ځواب وركولو له هر وخت چمتو دے۔ ده د پاك فضائیه بېسز په آپرېشنل تیاریانو د اطمينان څرګندونه وكړه او د عملې جذبې او پېشه ور مهارت ئې وستائلو۔
