اسلام آباد 06 دسمبر(اے پی پی)صدر مملكت ډاكټر عارف علوي په فيصل جومات كښې د مېرمنو په لمونځ د بندېز او د صفائۍ په خراب صورتحال د رپورټ نوټس اخستلو سره وئېلي دي چې د نړۍ په ټولو جوماتونو كښې مناسب اسلامي لباس او په پټ سر مېرمنو ته د لمونځ كولو اجازه ترلاسه ده ٬فيصل جومات د مذهبي او د سېلګرۍ اهميت لرونكې ځائې دې خو په مركزي هال كښې نه د مېرمنو لپاره د لمونځ جلا ځاې شته نه دې ته د داخلېدو اجازه۔د نهې په ورځ د ايوان صدر پرېس ونګ له مخې صدر مملكت د دې خيالاتو څرګندونه ډان نيوز 14 ستمبر خاص رپورټ نوټس اخستلو سره وئېلي دي چې پكښې په جومات كښې د مېرمنو په لمونځ كولو بندېز٬ د صفائۍ او د خيال ساتلو خراب صورتحال او د جومات په احاطه كښې سوال ګرو شته والې په ګوته كړې شوي۔صدر مملكت ووئيل چې د زيات عمر او رنځوري مېرمني د لفټ نشتوالي په سبب ستونزو سره مخ وي٬ده پوښتنه وكړه چې د دې بندېزونو سره مخ مېرمنې به خپل لمونځ څنګه ادا كوي۔ډاكټر عارف علوي ووئيل چې زما رائے ده چې مېرمنو له په مركزي هال كښې د لمونځ لپاره خاص ځاې وركولو اجازه پكار ده٬مېرمنو ته د دې عظيم جومات تعميراتي ښكلا ستائېلو لپاره مركزي هال ته د تللو هم اجازه پكار ده۔صدر مملكت ووئيل چې زما دا رائے د حرمين شريفين پشمول د ټولې نړۍ په مشاهدو اډانه ده۔سي ډي اے په خپل رپورټ كښې وئېلي دي چې د صورتحال ښه والي لپاره اقدامات پېل شوي٬د دعوت اكېډمۍ پالېسۍ له مخې يوازې يوه ګيلري د مېرمنو لپاره مختص ده٬مركزي هال ته مېرمنو له د داخلې اجازه نشته۔صدر مملكت د دې خواهش څرګندونه وكړه چې د فيصل جومات منتظم دې د دې مسئلو وضاحت وكړي۔
