اسلام آباد 23 دسمبر(اے پی پی) خارجه وزير شاہ محمود قریشی وئيلي دي چې پاکستان په امناكه ګاونډيتوب باور ري او د خبرو اترو د لارې د خپلو ګاونډيانو سره د مسئلو حل کول غواړي۔ د اتوار په ورځ راډيو پاکستان خبرونو او حالات حاضرہ پروګرام كښې د خيالاتو څرګندونې سره وفاقی وزیر ووئيل هند سره د ټولو مسئلو حل له د پاکستان رویه په بالغ نظری اډانه ده ځكه چې پاکستان سيمه كښې امن ٬ پرمختګ او سوكالي غواړي۔ ده ووئيل پاکستان بيا بيا وائي په کنټرول لائن جارحیت او پولې پورې غاړه څخه ډزو سره د سيمې امن ته زيان رسي۔ وفاقی وزیر ووئيل د پولې پورې غاړه څخه ډزو سره آبادی ځپلې كېږي او بايد هند دې ډول خلاف ورزیو څخه ډډه وكړي۔ شاہ محمود قریشی د هندي عسكرو د لاسه د بې ګناه کشمیریانو په شهادت د غم دړد څرګندونه وكړه۔ ده غوښتنه وكړه چې هند دې دا ډول کارروائی او د کشمیریانو د شهادت پېښې په سمدستي توګه بند كړې۔ وفاقی وزیر ووئيل هند كښې ڼاكنې كيدونكې دي او هندي قیادت د خپلو كورنيو چارو څخه د اولس پام ګرځولو له په پاکستان تنقید کوي كوم چې يو غلط سوچ دې۔
