اسلام آباد 06 نومبر (اے پي پي) سېنېټ د جمعيت علماﺀ اسلام(س)امير مولانا سميع الحق په شهادت د غمرازۍ قرارداد منظور كړې دې۔د نهې په ورځ د سېنېټ غونډه كښې د حكومتي ډلې مشر سناتور شبلي فراز قرارداد وړاندې كړو۔قرارداد كښې وئېلي شوي دا ايوان نوموړي عالم دين او سياسي لارښود د جمعيت علماﺀ اسلام(س)امير مولانا سميع الحق په شهادت د غمرازۍ څرګندونه كوي۔مولانا سميع الحق د دسمبر په 8مه نېټھ كال 1936 اكوړه خټك نوښار ضلع كښې زېږېدلې ؤ۔هغه خپل ابتدائي تعليم دارالعلوم حقانيه څخه ترلاسه كړې ؤ او د دغې دارلعلوم څخه ئې ګريجوېشن هم كړې ؤ ۔په كال 1980 كښې هغه په عملي سياست كښې برخه اخستل پېل كړل او 1988 كښې يې خپل سياسي ګوند جے يو آئي(س)جوړ كړو۔د 1985 نه 1991 ٬ د 1991 نه 1997 او د 2003 نه تر 2009 هغه د سېنېټ غړې پاتې شوې او د 1983 نه تر 1985 د مجلس شوریٰ غړي په توګه هم هغه ذمه وارۍ ترسره كړې۔مولانا سميع الحق د دارالعلوم حقانيه مهتمم ؤ ۔هغه د سېنېټ د غړي په توګه د بېلو قائمه كمېټو چيئرمېن او د غړي په حېث كار كړی او د قامي او نړيوالو مسئلو حل لپاره ئې د قدر وړ خذمات ترسره كړي او په مهمو مسئلو يې وېناګانې كړي۔قراراداد كښې وئېلې شوي د دينې عالم او د سياسي لارښود په توګه به د هغه خذمات ياد ساتلې شي۔لوے څښتن دې ارواښاد له د خپل رحم په پلو كښې ځاې او غم جنې كورنۍ له د زغم توفيق وركړي۔ دغسې سېنېټ دا قرارداد په يوه خله منظور كړے دے
