كوئټه 30 جون (اے پي پي) د كوئټې څخه پنجګور ته تلونكې د مسافرو كوچ سنګداس سره نزدې په قومي لويه لار پېښې سره مخ شوے او په پېښه كښې د 35 نه زيات مسافر ژوبل شوي دي كوم چې د قلات ډسټركټ روغتون ته رسول شوي دي۔ د خبر له مخې د خالي په ورځ د كوئټې څخه پنجګور ته تلونكې د مسافرو ګاډې قلات سره نزدې په سنګداس سيمه كښې د ټائر شلېدو په نتيجه كښې چپه كېدو سره ژورې كندې ته پرېوتو او په نتيجه كښې ئې د 35 نه زيات مسافر ژوبل شول چې پكښې مېرمنې او ماشومان هم شامل دي۔ ژوبل شوي كسان روغتون ته رسول شوي دي او پكښې د څلورو حالت اندېښمن ښودلې شوے۔
