لاهور 07 جون ( اے پي پي) د پنجاب نګران وزيراعلٰي پروفېسر حسن عسكري به ﴿نن﴾ د جمعې په ورځ د خپلې چوكۍ څوګند پورته كوي۔ د پنجاب د نګران وزيراعلٰي معامله د حكومت او مخالفې ډلې ترمېنځه د اتفاق نه راتلو له امله د ټاكنو كميسون ته لېږل شوې وه او د ټاكنو كميسون د پنجاب د نګران وزيراعلٰي په توګه د ډاكټر حسن عسكري رضوي نوم غوره كړې كوم به چې نن د جمعې په ورځ په ګورنر هاؤس لاهور كښې د خپلې چوكۍ سوګند پورته كوي۔ حسن عسكري وئيلي دي چې هغه به د خپل منصب غلط استعمال نه كوي۔ ده ووئيل چې يوه مختصر او د پروفېشنل كسانو كابينه به جوړولې شي۔ ده ووئيل چې د ده كله هم كوم سياسي ګوند سره تعلق نه دې پاتې شوے۔ ده ووئيل چې ټاكنې به پاكې او سپېځلې وي كوم يو ګوند دې پرېشان نه شي۔
