اسلام آباد 21مئي (اے پي پي) د كشمير او ګلګت بلتستان چارو وفاقي وزير چوهدري محمد برجېس طاهر وئيلي دي چې په اوسني وخت كښې كوم يو سياسي لارښود هم د نواز شريف نه زيات محب وطن او پاكستان سره خلوص لرونكې نشته۔ د ګل په ورځ په خپل يو بيان كښې ده ووئيل چې نواز شريف پاكستان او پاكستاني اولس لپاره محبت او خلوص د خپل عملي كردار د لارې ثابت كړے۔ ده ووئيل چې كه په تېر وخت نظر واچول شي نو د دې خبرې وضاحت كېږي چې كه دفاع وي يا قومي سلامتيا٬ معيشت وي يا قومي يووالې ٬ په هر مېدان كښې د نواز شريف خدمات په نظر راځي۔ ده ووئيل چې سره د ټولو سازشونو د تېرو پنځو كلونو په مهال د 10 زره مېګاواټ نه زياته برېښنا پېدا كړې شوې او موټروېز جوړې كړې شوي دي۔ ده ووئيل چې اوس به په راتلونكو ټولټاكنو كښې مسلم ليګ ﴿ن﴾ كامياب كړي
