اسلام آباد۔28مئی (اے پی پی):قومی اسمبلی دے سپیکرراجہ پرویز اشرف اتے ڈپٹی سپیکر زاہداکرم درانی یوم تکبیر دے موقع تے پوری قوم کوں مبارخ ݙیندے ہوئیں آکھیے 28 مئی دا ݙینھ ملک دی تاریخ اچ سنہری حروف اچ لکھیا ویسی ۔ اتوار کوں جوہری دھماکیں دی سالگرہ دے موقع تے آپݨے خصوصی پیغام اچ راجہ پرویز اشرف آکھیے یوم تکبیر پاکستان دی تاریخ اچ ھک اہم سنگ میل دی حیثیت رکھیندے ، 28 مئی کوں پاکستان ھک ایٹمی قوت دے طور تے دنیا دے سامݨے ابھریا، پوری قوم کوں سیاسی قیادت، مسلح افواج اتے اپݨے ایٹمی سائنسداناں تے فخر اے۔سپیکر قومی اسمبلی آکھیے اڄ دا ݙینھ پاکستان دی دا تاریخ یادگار ݙینھ اے ، 28 مئی کوں سابق وزیر اعظم شہید ذوالفقارعلی بھٹو دے عزم دی تکمیل تھئی، سابق وزیراعظم میاں محمد نواز شریف پاکستان کوں ایٹمی طاقت بݨاوݨ اچ شہید ذوالفقار علی بھٹو دے عزم کوں پایا تکمیل پڄایا ۔
