اسلام آباد۔14مارچ(اے پی پی):وفاقی وزیر صحت عبدالقادر پٹیل آکھیے صحت دے شعبے اچ بہتری کیتے سارے وسائل بروئے کار گھن آندے پیوں، صحت دے شعبے اچ برٹش ہائی کمشنر دے تعاون کوں قدر دی نگاہ نال ݙیکھدوں ۔ وزارت صحت توں جاری بیان موجب اے ڳالھ وفاقی وزیر برٹش ہائی کمشنر دی ڈائریکٹر انچارج ڈویلپمنٹ جو مایر نال ڳالھ مہاڑ کریندے ہوئیں آکھی اے جنہاں منگل کوں اتھاں ملاقات کیتی ۔ ایں موقع تے ڈی جی ہیلتھ ڈاکٹر بصیر اچکزئی وی موجود ہن ۔ ملاقات اچ عبدالقادر پٹیل سیلاب دی تباہ کاریاں توں سندھ تے بلوچستان اچ خصوصی طورتے صحت دے شعبے اچ تعاون تے برٹش ہائی کمشنر دا شکریہ ادا کیتا۔ ایں موقع تے وفاقی وزیر آکھیے صحت دے شعبے تے حکومت خصوصی توجہ ݙیندی پئی اے، صحت دے شعبے اچ بہتری کیتے سارے وسائل بروئے کا گھن آندے پیوں ۔ صحت دے شعبے اچ تساݙے تعاون کوں قدر دی نگاہ نال ݙیکھدوں ۔ انہاں آکھیے اساکوں دیہاتی سطح تے انفارمیشن منیجمنٹ تے دوائیں دی سپلائی دی بہتری کیتے مزید اقدامات دی لوڑھ اے ۔ غذائی قلت دی شکار ماواں تے ٻالاں دی خوراک کیتے مزید اقدامات دی لوڑھ تے تعاون درکار اے ۔ ایں توں انڄ وزارت صحت دے ترجمان آکھیے گزریل ݙینھ حکومت برطانیہ دے ادارے ایف سی ڈی او وزارت صحت نال ھک مفاہمت دی یادداشت تے دستخط کیتن۔
.jpg)
.jpg)
