اسلام آباد 01 دسمبر (اے پي پي) د سرمايه كارې بورډ چارواكو وئيلي دي چې د سي پېك په نتيجه كښې پاكستانيانو لپاره 75 زره ملازمتونه پېدا شوي، دې سره د هر يو تن امدن 23 فيصده زيات شوے. د سرمايه كارې بورډ چارواكو اے پي پي ته ووئيل چې 100 اېس اېم ايز د سي پېك په جوړېدو كښې د زرګونو په شمېر ملازمتونه وركړي دي. د سكهر ملتان موټروے پروژې 29 زره ځائي خلقو ته روزګار وركړے، د دې جوړېدو په مهال په لويه شمېر د پاكستان تكنيكي پوهانو تربيه هم شوې. دغسې د تهر بلاك 2 په پروژه كښې 126 ځائي مېرمنو ته د ټرك ډرائيونګ په نوكرو ملازمتونه وركړې شوي دي. د چارواكو له مخې په پورټ قاسم د پاور پلانټ جوړېدو په مهال 4000 ځائي خلقو ته د ملازمت موقعې پېدا شوې او په آپرېشنل پړاٶ كښې 1270 كسانو روزګار ترلاسه كړو او 150 انجينئران تكنيكي مرستې لپاره چين ته ولېږل شول.
