اسلام آباد۔25جنوری (اے پی پی) د آزاد کشمیر او د هند په غېر قانوني توګه قبضه كړې جموں وكشمير كښې كشميري وګړي سبا (د جمعې ورځ) د هند تش د نامې جمهوريت ورځ د تورې ورځې په توګه لمانځي۔ د كل جماعتی حریت کنفرنس (آزاد جموں کشمیر او پاکستان) لخوا به دا ورځ د تورې ورځې په توګه د لمانځلو اهتمام كولے شي۔ په دې لړ كښې به په 26 جنوري د جمعې په ورځ د ورځې 11 بجې په اسلام آباد كښې خارجه دفتر ته نزدې د هندي هائي كمېشن مخې ته لاريون ويستلے شي چې پكښې به د حریت کنفرنس لارښود او د آزاد جموں وكشمير وزيرانو په شمول نوموړي شخصيات او ګڼ شمېر عام وګړي ګډون كوي۔ دغسې د فرېنډز آف کشمیر تر اهتمام لاندې به وېبنار هم كولے شي۔
