اسلام آباد ۔ 11 مئی (اے پی پی) خارجه وزير مخدوم شاه محمود قرېشي وئيلي دي د مذهبونو ترمينځه همغږۍ او د اقليتونو د حقونو ساتنې ته زمونږ حكومت پام لرنه كوي ۔ د دې خيالاتو څرګندونه ده د اقليتي كمېشن چيئرمېن چیلا رام کیولانی سره د ګل په ورځ ملاقات كښې خپلو خبرو كښې وكړه۔ د ملاقات په مهال د مذهبونو ترمينځه د همغږۍ په شمول د شريكې خوښې په چارو د خيالاتو څرګندونه وشوه۔ خارجه وزير د قامي اقليتي كمېشن چئيرمېن په حېث په ټاكلې كېدو چيلا رام كيولاني له مباركي وركړه۔ ده ووئيل د مذهبونو ترمينځه همغږي او د اقليتونو د حقونو ساتنه زمونږ د حكومت په اولنو ترجيحاتو كښې شامل ده۔ ده ووئيل يو اړخ ته كه نن نړۍ د اقليتونو حقونو له د پاكستان پورته كړو ګامونو ستائنه كوي نو بل اړخ ته د مسلمانانو په شمول د نورو اقليتونو په ضد د هند د پورته كړو ګامونو غندنه كوي۔ شاہ محمود قرېشی هيله ولرله چې ستاسو د قومي اقليتي كمېشن چيئرمېن په حېث ټاكنې سره به د مذهبونو ترمينځه همغږي وده ومومي۔ د قامي اقليتي كمېشن چيئرمېن چيلا رام كيولاني په مباركۍ وركولو او د نېكو هيلو په څرګندولو د خارجه وزير مننه وكړه
