آستانه – 21 – مئي (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار قازقستان جي شهر آستانه ۾ ايس سي او جي پرڏيهي وزيرن واري ڪائونسل جي اجلاس جي موقعي تي پنهنجي بيلاروسي هم منصب سرگئي ايلينڪ سان ملاقات ڪئي. ملاقات ۾ ڌرين پاڪستان ۽ بيلاروس جي وچ ۾ پراڻي دوستاني لاڳاپن کي ساراهيو ۽ واپار، اقتصادي تعاون ۽ عوامي مٽاسٽا تي خاص ڌيان سان گڏوگڏ ٻطرفن لاڳاپن کي وڌيڪ مضبوط بڻائڻ جي قدمن تي خيالن جي ڏي وٺ ڪئي. ٻنهي وزيرن اسلام آباد ۾ ٻطرفي سياسي مشاورت جي اڳئين دور جي تيارين جو جائزو ورتو ۽ اعليٰ سطحي دورن جي مٽاسٽا جي اهميت تي زور ڏنو. هن ٻطرفي واپار کي وڌيڪ وڌائڻ ۽ تعليم ۽ ثقافتي تعاون کي وڌ کان وڌ وڌائڻ تي اتفاق ڪيو.
