ڪوئيٽا – 27 – آڪٽوبر (اي پي پي) بلوچستان جي گورنر ملڪ عبدالولي ڪاڪڙ جي قيادت ۾ ڪوئيٽا ۾ ڪشمير تي ڀارتي قبضي جي حوالي سان ڪاري ڏينهن جي حوالي سان ريلي ڪالهه جمعي ڏينهن زرغون روڊ گورنر هائوس ڪوئيٽا کان شروع ٿي ۽ شهيد فياض سنبل چوڪ تي پڄاڻي تي پهتي. ريلي ۾ نگران صوبائي وزيرن سميت زندگي جي مختلف شعبن سان تعلق رکندڙ ماڻهن شرڪت ڪئي. ان موقعي تي بلوچستان جي گورنر ملڪ عبدالولي خان ڪاڪڙ صحافين سان ڳالهائيندي چيو ته اڄ اسان ڪشمير تي ڀارتي قبضي جي حوالي سان ڪارو ڏينهن ملهائي رهيا آهيون جنهن ۾ اسان شهر شهر جلوس، جلسن ۽ ريلين ذريعي ڪشميري ڀائرن ۽ ڀينرن سان يڪجهتي جو اظهار ڪري رهيا آهيون.
