اسلام آباد۔24ستمبر (اے پی پی):جسٹس اعجاز الاحسن آکھیے جھیڑیں دے حل سانڳے متبادل نظام کیتے قانون سازی ضروری اے۔ ہفتے کوں 9ویں انٹرنیشنل جوڈیشل کانفرنس توں خطاب کریندے ہوئیں انہاں آکھیے جو قانون اچ خلاء ہووے تاں عدالتاں کیتے کم کرݨ ممکن نی ہوندا ۔سی پیک اتے توانائی سودھے مختلف شعبیں اچ غیرملکی سرمایہ کاری دے وسیع مواقع موجود ہن۔جسٹس اعجاز الاحسن آکھیے جو جیڑھیں دے حل دا متبادل نظام سرمایہ کاراں کیتے سہولت دا باعث ہوسی ،متبادل نظام توں کاروباری جھیڑے عدالت دی نسبت وختی حل تھی سڳدن ، بلوچستان توں علاوہ ٻئے صوبیں اچ ثالثی دے ذریعے جھیڑے حل کرݨ کیتے قانون بݨ چکن جݙاں جو خیبر پختونخوا اچ وی معمولی نوعیت دے فوجداری مقدمے ثالثی نظام دے ذریعے حل تھیندے پئن ۔ عوام کوں عدالتاں اچ آوݨ دی بجائے ثالثی دے نظام نال رجوع کرݨ دے حوالے نال آگاہی ݙتی ونڄݨی چاہیدی اے ،وکلاء سائلین کوں غیر سنجیدہ مقدمے عدالت گھن آوݨ دی بجائے ثالثی دے متبادل نظام دا مشورہ ݙیون کیوں جو عدالتاں اچ غیر ضروری مقدمیں دی وجہ توں کیسز دا ٻوجھ ودھدا پئے۔
