اسلام آباد۔30نومبر (اے پی پی):صدرمملکت ڈاکٹرعارف علوی ، بینکنگ محتسب دے 6 فیصلیاں دے خلاف نجی بینک دی اپیلاں مسترد کر ݙتن، بینکنگ فراڈ دے چھی متاثرہ لوکاں کوں اٹھ لکھ 27 ہزار روپے توں ودھ رقم کݙھاوݨ دا حکم برقرار رکھیے۔ صدر مملکت ، بینکنگ محتسب دے فیصلے دے خلاف حبیب بینک دی پنج جݙانجو میزان بینک دی ہک اپیل کوں مسترد کریندیں ہوئیں نجی بینکاں کوں فراڈ متاثرین دی چوری تھئی رقم انہاں دے بینک اکائونٹ اچ جمع کراوݨ دی ہدایت کیتی اے۔ ۔کیساں دی تفصیلات دے مطابق شکایت کنندگان محمدپرویزخان، کاشف لطیف، نعمت علی، انتظاراحمد، آسیہ منظور اتےمحسن شبیردے حبیب بینک لیمیڈ اچ اکائونٹس ہن۔ فراڈ کرݨ آلیاں پرویز خان دے اکاونٹ توں 3333000 روپے، کاشف لطیف توں 140000 روپے، نعمت علی توں 137489 روپے، انتظاراحمد توں 119848 روپے، آسیہ منظورتوں 78780 روپے اتےشبیر دے اکاونٹ توں 20108 روپے فراڈکرتے کݙھ ڳھدے ہن۔
