اسلام آباد 19 اکتوبر (اے پي پي)اولس مشر ډاكټر عارف علوي په هېواد كښې په سمدستي توګه د اوبو ذخيرې جوړول ضروري ګرځولو سره وئېلي دي چې اوبه ژوند دې او مونږ ته د قوم په توګه دا محسوس كول دي٬ د اوبو په قامي پالېسۍ د عملدرآمد ضرورت دې٬د پائيدار پرمختيائي اهداف ترلاسه كولو لپاره به د اوبو مسئله حل كول وي٬مونږ له تر ټولو وړومبې د پاكستان په اړه فكر كول پكار دي٬پھ دې لړ كښې د رايو اتفاق او د شريك اعتماد سازۍ ضرورت دې۔ده دا خبرې “د اوبو په لحاظ محفوظ پاكستان جوړولو”په حقله دوه ورځني نړيوال سمپوزيم پرانستې دستورې ته خطاب كښې وكړې د كوم اهتمام چې د پاكستان ستر قاضي په لار ښونه د پاكستان لاﺀ اينډ جسټس كميسون كړې۔دستورې ته د پاكستان ستر قاضي جسټس ميا ثاقب نثار هم وېنا وكړه۔په دې موقع د سترې محكمې قاضيان صاحبان٬وفاقي وزيران٬د اوبو وسيلو سېكتر٬د واپډا چيئرمېن٬نړيوال استازي٬د اوبو پوهان٬د بار كونسلو مشران او نور شخصيات هم موجود و۔اولس مشر د نړيوال كنفرنس كولو ستائنه وكړه او وې وئېل چې د ستر قاضي په لارښونه كښې دا اقدام د ستائنې وړ دې۔ستر قاضي ډېرو ستونزو ته پام راګرځولې او په دې د ده مننه كوو۔اولس مشر په خپله وېنا كښې د حديث پاك حواله وركولو سره ووئيل چې نبي اكرم(ص)د اوبو د ضائع كولو نه منع فرمائېلې دي۔ده ووئيل چې خوږ وطن د قدرتي وسيلو نه ډك دې٬قدرت مونږ ته د اوبو پشمول هر ډول قدرتي وسائل راكړي٬د آزادۍ نه پس په ابتدائي لسيزو كښې يو كس لپاره ډېرې اوبه موجود وې۔د پاكستان جوړېدو نه پس منګله او تربيلا بندونه جوړ كړې شول۔ده ووئيل چې د پاكستان معيشت په بنيادي توګه زرعي دي او د كركيلې په بنياد صنعت لري۔د 1960 په لسيزه كښې صنعتي څانګې ته پام شوې و او شين انقلاب راغلې و خو بيا د دې نه پس مونږ په دې لړ كښې د بنيادي اهميت عنصر يعني اوبه نظرانداز كړې او د هېواد د پرمختګ په لار كښې خنډ پېدا شو۔اولس مشر ووئيل چې هره ورځ تېرېدو سره د اوبو د ذخيرو جوړولو ضرورت د وړاندې نه زيات محسوس شوې۔كركيلې٬صنعت او تر دې چې د كورونو استعمال لپاره اوبه مخ په كمېدو دي او اندېښنه ده كه اقدامات ونه كړې شول نو مونږ به د اوبو كمي سره مخ هېواد جوړ شو۔ده ووئيل چې نن په نړۍ كښې هېوادونه د اوبو وسيلو پوره كولو لپاره پروژې وضعه كوي۔پاكستان د وېلو او د دريابونو د نعمت نه ډك دې٬مونږ ته په نړۍ كښې د اوبه خور تر ټولو غوره نظام په ورسه كښې پاتې شوې خو مونږ بيا د صورتحال درك ونه لګولو او د كر زياتېدونكې رقبې لپاره د اوبو اضافه ونه كړی شوه٬نهري نظام پراخا نه كړې شو او د اوبو كمې زمكې نه اوبه رايستلو سره پوره كړې شو او د دې په نتيجه كښې په ټول هېواد او په خاص توګه په بلوچستان كښې د اوبو كچه ټېټه شوه۔اولس مشر ووئيل چې وخت تېرېدو سره سره د اوبو استعمال زيات شو او ذخيرې يې كم شوې
