اسلام آباد 01 مئي ﴿اے پي پي﴾ اولس مشر ممنون حسېن وئيلي دي چې د قومي پرمختګ په عظيمو هڅو كښې د خواري كښو كردار د بنيادي اهميت وړ دے٬ حكومت په هېواد كښې دننه د كار كوونكو خواري كښو سره سره په بهر هېوادونو كښې د كار كوونكو ستونزې حل كولو او د هغوي خېبر ښېګړې لپاره ګڼ شمېر پروژې عملي كويِِ٬ هيله ده چې خواري كښ به خپل پياوړي روايات په ځائ ساتلو سره د هېواد رغونې او پرمختګ لپاره خپل كردار هم دغسې ترسره كړي۔ ده دا خبرې د خواري كښو نړيوالې ورځې په موقع خپل پېغام كښې كړې دي۔ اولس مشر ووئيل په دې ورځ د دې لوظ پخلې كولې شي چې خواري كښ به قومي پرمختګ او خوشحالې لپاره خپلې ذمه وارې په پوره نېك نيتې او اېماندارې سره ترسره كړي او آجر به په رياستي او غېر رياستي كچه د خواري كښو حقونه ادا كول باوري كوي۔ ده ووئيل چې په پاكستانې ټولنه كښې د آجر او اجير رشته د رحمت عالم حضور اكرم ﴿ص﴾ په دې فرمان ولاړه ده چې ٬٬ خواري كښ د الله دوست وي ځكه د ده حق دې د خولې وچېدو نه وړاندې ادا كړے شي٬٬ كوم چې د خواري كښو د حقونو د تحفظ په لړ كښې د يوې پياوړې لوظنامې زرين اصول دے۔ ده ووئل چې هغه د نننې ورځې په مناسبت خپل قوم بلكې نړيوالې ټولنې ته دا وئيلو سره خوشحالي محسوسوم چې په دې لړ كښې د پاكستاني حكومت ټولې پالېسې پھ دې زرينو اصولو ولاړې دي چې تحفظ ئې د رياست آئين كوي۔ ده ووئيل چې هم دا جذبه وه كومه چې په نظر كښې ساتلو سره پاكستاني حكومت په خپل وروستي بجټ كښې هم د خوږ وطن د خواري كښو په معاوضو كښې د معقول اضافې تجويز ساتلې كوم چې د دې څانګې پرمختګ او ښېګړې لپاره زمونږد پالېسو عملي څرګندونه ده۔ اولس مشر ووئيل چې حكومت په هېواد كښې دننه د كار كوونكو خواري كښو سره سره په بهر هېوادونو كښې د كار كوونكو ستونزې حل كولو او د هغوي خېبر ښېګړې لپاره ګڼ شمېر پروژې عملي كويِِ٬ د كومو ترسيلات زر چې د قومي معيشت په استحكام كښې مهم كردار ترسره كوي۔ اولس مشر ووئيل چې د قومي پرمختګ په عظيمو هڅو كښې د خواري كښو كردار د بنيادي اهميت وړ دے او قوم د دې قدر كوي۔ ده د دې باور څرګندونه وكړه چې زمونږ خواري كښ به خپل پياوړي روايات په ځائ ساتلو سره د هېواد رغونې او پرمختګ لپاره خپل كردار هم دغسې ترسره كړي
