اسلام آباد – 01 آگسٽ(اي پي پي) سعودي عرب جي نائب وزير خالد صالح المظفر چيو آهي ته پاڪستان ۽ سعودي عرب وچ ۾ برادراڻه تاريخي ۽ ثقافتي لاڳاپا آهن، سعودي حڪومت پاڪستان سان معدنيات جي شعبي ۾ لاڳاپا وڌائڻ جو خواهشمند آهي. اهڙن خيالن جو اظهار هن پاڪستان منرلز سمٽ جي افتتاحي سيشن کي خطاب ڪندي ڪيو. خالد صالح المظفر چيو ته معدنيات وارو شعبو انساني وسيلن جي ترقي ۽ روزگار جا موقعا پيدا ڪندو، معدنيات ۾ سيڙپڪاري سان خطي ۾ واپاري سرگرمين ۾ اضافو ٿيندو. هن چيو ته 27 لک پاڪستاني سعودي عرب جي ترقي ۾ اهم ڪردار ادا ڪري رهيا آهن.
