اسلام آباد – 09 – جون (اي پي پي) ايندڙ مالي سال 24 – 2023ع جي بجيٽ ۾ سرڪاري شعبي جي ترقياتي پروگرام (پي ايس ڊي پي) تحت اسلام آباد ترقياتي پئڪيج تحت 25 منصوبن جي لاءِ مجموعي طور تي 2200 ملين رپيا رکيا ويا آهن. جاري پي ايس ڊي پي جي دستاويز موجب اسلام آباد ترقياتي پئڪيج تحت وفاقي گادي واري شهر اسلام آباد جي مختلف يونين ڪائونسلز جي لاءِ اهي ترقياتي منصوبا منظور ڪيا ويا آهن جن ۾ يونين ڪائونسل علي پور، کنه ڊاڪ، ترلائي، ڪرپا، چراهه، تمير، همڪ، روات، سهالا، مغل، پگ پول، لوهي ڀير، ڪرال، اسلام آباد جي ترقياتي اسڪيمن جي لاءِ 278.248 ملين رپيا، يونين ڪري اسلام آباد ۾ انفراسٽرڪچر جي ترقي جي لاءِ 302.599 ملين رپيا، يونين ڪائونسل بوڪره، ميره، سنبل جعفر، بڍانه ڪلان، جهنگي سيدان، سرائي خربوزه، ترنول، گولڙه شريف ۽ شاهه الله دته اسلام آباد ۾ سيني ٽيشن ۽ رستن جي منصوبن جي لاءِ 412 ملين رپيا، يونين ڪائونسل ڪري اسلام آباد ۾ درياءِ ڪري تي پل جي تعمير جي منصوبي جي لاءِ 90 ملين رپيا، اسلام آباد ڪيپيٽل ٽيريٽري (آءِ سي ٽي) ۾ رستن ۽ گهٽين جي بهتري لاءِ 6.763 ملين رپيا، اسلام آباد ڪيپيٽل ٽيريٽري (آءِ سي ٽي) جي علائقن ۾ پاڻي جي فراهمي ۽ سيني ٽيشن ۽ سيوريج جي اسڪيمن جي لاءِ 78.054 ملين رپيا، دربار سائين مرچو کان شمس ڪالوني ريلوي روڊ جي تعمير لاءِ 10.379 ملين رپيا، اسلام آباد ڪيپيٽل ٽيريٽري (آءِ سي ٽي) ايگريڪلچر ڪمپليڪس جي اليون فور ۾ لفٽ هڻڻ ۽ فراهمي جي لاءِ 7 ملين رپيا، اسلام آباد ڪيپيٽل ٽيريٽري (آءِ سي ٽي) ۾ برسات جي پاڻي کي پوکيءَ جي لاءِ استعمال ۾ آڻڻ جي منصوبي جي لاءِ 50 ملين رپيا، گولڙه شريف، شاهه الله دته ۽ سرائي خربوزه جي يونين ڪائونسلز ۾ رستن جي بحالي لاءِ 50 ملين رپيا، عثمانيه پاڙي ۽ بلال پاڙي يونين ڪائونسل سرائي خربوزه ۽ يونين ڪائونسل ڪلنجر گولڙه ۾ پاڻي جي فراهمي جي اسڪيمن جي لاءِ 52.052 ملين رپيا، 5 ڳوٺاڻي رستن جي بحالي لاءِ 75 ملين رپيا، ترنول ۽ سهالا ۾ ريوينيو سينٽرز جي تعمير لاءِ 75 ملين رپيا، اسلام آباد جي ڳوٺاڻي علائقن جي 16 يونين ڪائونسلز ۾ پاڻي جي فراهمي جي منصوبن جي لاءِ 100 ملين رپيا، تلهار وٽ نالي جي ڪناري حفاظتي بند جي تعمير لاءِ 65.260 ملين رپيا، يونين ڪائونسل ڦلگران ۾ شاهه پور واري جڳهه تي نالي سان گڏ آر سي سي جي تعمير جي لاءِ 26.973 ملين رپيا، بني گالا ۾ سيوريج جي سسٽم جي تعمير لاءِ 100 ملين رپيا، شاهه الله دته ۾ نالي جي تعمير جي لاءِ 24.593 ملين رپيا، کنه ڊاڪ ويجهو نالا جبه جي تعمير ۽ گهٽين کي پڪو ڪرڻ جي لاءِ 4.734 ملين رپيا، اسلام آباد جي ڳوٺاڻي علائقي جي 16 يونين ڪائونسلن جي داخلي رستن جي اپ گريڊيشن ۽ بحالي جي لاءِ 75 ملين رپيا، گولڙه موڙ کان حاجي ڪئمپ لنڪ روڊ جي بحالي لاءِ 49.436 ملين رپيا، بني گالا ڪورنگ نالي جي بحالي ۽ اپ گريديشن جي لاءِ 98.103 ملين رپيا، جوٿ ڳوٺ کان ڍوڪ رمضانيه، سرائي خربوزه، گولڙه شريف ۽ بوڪره ۾ رستن جي بحالي ۽ اپ گريڊيشن لاءِ 80 ملين رپيا ۽ اسلام آباد سبزي منڊي آئي اليون فور جي بحالي ۽ اپ گريڊيشن جي لاءِ 50 ملين رپيا رکيا ويا آهن.
