اسلام آباد – 27 – فيبروري (اي پي پي) وزيراعظم محمد شهباز شريف چيو آهي ته قوم اڄ پاڪستاني فضائي حدن جي خلاف ورزي جو منهن ٽوڙ جواب ڏيڻ تي پاڪ فضائيه کي زبردست خراج تحسين پيش ڪري ٿي. پنهنجي ٽوئيٽ ۾ هن چيو ته پلواما حملي جي بهاني پاڪستان جي فضائي حدن جي خلاف ورزي جو منهن ٽوڙ جواب ڏيڻ تي اڄ قوم پاڪ فضائيه کي زبردست خراج تحسين پيش ڪري ٿي، جيتوڻيڪ اسان جو مقصد سڀني سان گڏ امن سان رهڻو آهي تنهن هوندي به ملڪ جي دفاع جي لاءِ به غافل نٿا رهي سگهون، ان حوالي سان ڪير به غلطي نه ڪري.
