ڪراچي – 10 – فيبروري (اي پي پي) پاڪستان پيپلزپارٽي جي چيئرمين ۽ پرڏيهي وزير بلاول ڀٽو زرداري بلوچستان جي علائقي ڪوهلو ۾ فوجي آفيسرن جي شهادت تي افسوس جو اظهار ڪيو آهي. بلاول هائوس ميڊيا سيل پاران جاري تعزيتي پيغام ۾ بلاول ڀٽو زرداري ميجر جواد ۽ ڪيپٽن صغير جي شهادت تي ڏک ۽ افسوس جو اظهار ڪيو. بلاول ڀٽو زرداري چيو ته ميجر جواد شهيد ۽ ڪيپٽن صغير شهيد جي قرباني رائيگان نه ويندي. هن چيو ته ميجر جواد شهيد ۽ ڪيپٽن صغير شهيد جي پونئيرن سان همدردي ۽ تعزيت جو اظهار ڪريون ٿا. بلاول ڀٽو زرداري شهيدن جي مغفرت ۽ درجن جي بلندي لاءِ دعا پڻ ڪئي.
