اسلام آباد۔9مئی (اے پی پی):قطر دے وزیر مملکت خارجہ امور ڈاکٹر محمد بن عبدالعزیز الخلیفی وزارت خارجہ پڄ ڳئن ، وزارت خارجہ پڄݨ تے نائب وزیر اعظم و وزیر خارجہ محمد اسحاق ڈار قطر دے وزیر مملکت خارجہ امور دا استقبال کیتے۔ دفتر خارجہ دی طرفوں جاری بیان موجب وزیر مملکت خارجہ امور قطر دے وزیراعظم و وزیر خارجہ دے خصوصی نمائندے دے طور تے پاکستان دا دورہ کریندے پئن ۔ قطری وزیر مملکت خارجہ امورتے نائب وزیر اعظم محمد اسحاق ڈار وچال باضابطہ مذاکرات وی تھیسن۔ پاکستان تے قطر وچال طویل المدتی، وسیع البنیاد ݙوطرفہ تعلقات ہن۔
