اسلام آباد۔14ستمبر (اے پی پی) نگران وزیراعظم انوار الحق کاکڑ 22 ستمبر کوں اقوام متحدہ دی جنرل اسمبلی توں خطاب کریسن۔ 18 توں 23 ستمبر تئیں نیویارک اچ اقوام متحدہ دی جنرل اسمبلی دے 78ویں اجلاس دے اعلیٰ سطحی مباحثے اچ شریک تھیسن، نگران وزیر خارجہ جلیل عباس جیلانی وی وزیراعظم نال ہوسن۔ دفتر خارجہ دی ترجمان ممتاز زہرا بلوچ خمیس کوں پریس بریفنگ اچ آکھیا جو نگران وزیراعظم انوار الحق کاکڑ 22 ستمبر کوں اقوام متحدہ دی جنرل اسمبلی توں خطاب کریسن۔ او تنازعہ جموں تے کشمیر سودھے ٻئے علاقائی اتے عالمی مسئلیاں تے پاکستان دے نقطہ نظر دا خاکہ پیش کریسن۔ وزیراعظم سائیڈ لائنزتے تھیوݨ آلی مختلف سرگرمیاں اچ یو این جی اے دے اجلاس اچ شریک تھیوݨ آلے سربراہان مملکت اتے حکومت نال مشغول تھیوݨ دے موقعیاں توں وی فیدہ چیسن۔ وزیراعظم بین الاقوامی میڈیا نال وی ڳالھ مہاڑ کریسن۔
.jpg)
.jpg)
