اسلام آباد۔28نومبر (اے پی پی) وفاقی وزیر برائے قومی صحت عبدالقادر پٹیل آکھیا جو ایں سال دی تریجھی پولیو مکاوݨ بارے مہم شروع تھی ڳی اے جئیں اچ 36 ضلعیاں اچ 13.5 ملین ٻالاں کوں حفاظتی قطرے پلاوݨ دا ہدف رکھیا ڳے۔ سنوار کوں وزارت صحت ولوں جاری بیان موجب وفاقی وزیر آکھیا جو سنوار توں شروع تھیوݨ آلی مہم اچ پنجاب دے نو ضلعے، سندھ دے اٹھ، بلوچستان دے چھی اتے اسلام آباد شامل ہن اتے خیبرپختونخواہ دے نو ہائی رسک ضلعیاں اچ اے مہم پنج دسمبر توں شروع تھیسی۔ مہم اچ ہک لکھ توں ودھ تربیت یافتہ صحت محافظ حصہ ڳھنسن جیڑھے گھر گھر ونڄ ونڄ پںج سال توں ڳھٹ عمر دے ٻالاں کوں پولیو توں بچاوݨ دے قطرے پلیسن۔
.jpg)
.jpg)
