لہور۔7 ستمبر(اے پی پی )ذہنی ‘نفسیاتی تے جسمانی طور تے صحت مند تریمتیں ہی آپنڑیں ٹبر دی ترقی اتے خوشحالی دی ضامن تھی سگدیاں ہن ۔ اے گالہیں صوبائی وزیر بہبود آبادی بیگم ذکیہ شاہنواز گالھ مہاڑکریندے ہوئیں آکھیاں۔ انہاں آکھیا جو ودھدی ہوئی آبادی تے قابو پاونڑ کیتے جدید حکمت عملی اختیار کیتی ویندی پئی ہے تانجو ماء اتے بالیں دیاںزندگیاں کوں بچایا ونج سگے د، کیونجو سارے معاشرے دی بہبود ماء دی زندگی اتے چنگی صحت نال جڑی ہوئی ہے ، ایں سانگے گھٹ ترقی آلے علاقیاں اچ وی تریمتیں دی زاتی زندگی کوں سامنڑیں رکھ تے اقدامات کیتے گئے ہن ۔ انہاں آکھیا جو ودھدی ہوئی آبادی دے مسئلے کوں حل کرنڑ سانگے اساکوں ساری محنت اتے ہک مٹھ تھی تے کم کرنڑاں ہوسی ۔ انہاں آکھیا جو آبادی اچ تناسب پیدا کرنڑاں ہک صبر آزما کم ہے، لوڑ ایں گالھ دی ہے جو معاشرے دے سارے اہم عناصر ایندا ساتھ ڈیون ۔
.jpg)
