اسلام آباد 25 اګست(اے پی پی) د روغتيا لنډ مهاله وفاقي وزير ډاكټر نديم خان وئېلي دي چې ډرګ ريګوليټري اتهارټي (ډرېپ) د داروګانو د كمي ګيلو موثر ازالې لپاره ګامونه پورته كړې دي٬ اولس ته معياري او محفوظ داروګان د تعطل نه بغېر رسول زمونږ ترجيح ده٬ په لږه موده كښې يو كوټلې او جامع پلان سره اولس ته به د آسانيو وركولو له هڅه كوو۔ د هېواد پرمختګ او اولس ښه والي ايجنډا او مشن مو راوړې دې۔ د دې خيالاتو څرګندونه ده د جمعې په ورځ د ډرېپ نوې موبائل ايپلي كېشن پرانستې په موقع كړی كوم كښې به چې د داروګانو ترلاسه كېدو او د داروګانو كمي په صورت كښې د وګړو ګيلو ترلاسه كېدو په اړه معلومات وركوي۔ د پرانستې دستورې ته په خپله وينا كښې لنډ مهاله وفاقي وزير وئيل چې وګړي د دې ايپ د لارې د داروګانو په اړه خپلې ګيلې ډرګ ريګوليټري اتهارټي آف پاكستان (ډريپ) سره جمع كولې شي كوم به چې نن څخه فعاله شي۔ ده ووئيل چې دا موبائل ايپ به 24 ساعت فعاله وي كوم څخه به چې د وګړو د ګيلو په وخت ازاله ممكنه شي٬ دا ګيلې به په ټول هېواد كښې اړوند ډرك انسپكټر ته لېږلې شي۔ ده ووئيل چې د دې موبائل ايپ په مرسته به خلقو ته د داروګانو كمي او نورو اړوند مسئلو په اړه معلومات ترلاسه وي٬ د دې ايپ د لارې به د داروګانو كمې يا ترلاسه كېدو په اړه درست ډيټا هم شيئر كولې شي۔
