پېښور۔20جون(اے پی پی) د خېبر پښتونخوا نګران کابینې راروان مالي كال 2023 – 24 لپاره د لومړو څلور مياشتو د خرڅونو تخمينې منظوري وركړې۔ د تفصیلات لمخې د صوبائی کابینې خصوصی غونډه د نګران وزیراعلی محمد اعظم خان په مشرۍ كښې وشوه۔ صوبائی کابینې د راروان مالي كال لپاره د جولائي اولنۍ نېټې څخه تر 31 اکتوبر 2023 د خرڅونو تخمينې اجازه وركړه۔ د راروان مالي كال د لومړو څلور مياشتو د خرڅونو تخمينه 462.426 اربه روپۍ لګولې شوې ده۔ د کرنټ بجټ مد كښې ټولې 350.041 اربه روپۍ بېلې كړې شوي دي، کل کرنټ بجټ څخه 309.498 اربه روپۍ بندوبستی ضلعو او 40.543 اربه روپۍ ضم شويو ضلعو له بېلې كړې شوي دي۔ د مالی كال2023-24 لومړو څلور مياشتو لپاره د پرمختيائي بجټ به مد كښې ټولې 112.385 اربه روپۍ بېلې كړې شوي دي، په كلن پرمختيائي پروګرام كښې بندوبستی ضلعو لپاره د 92.122 اربه روپو منظوری وركړې شوې ده په كومو كښې چې د بندوبستي ضلعو پرمختيائي پروګرام لپاره43.333 ارب، ډسټرکټ اے ډی پی له 8.667 اربه، سیټلډ ایف پی اے له 37.131 ارب او سیټلډ پی ایس ډی پی له 2.991 ارب بېلې كړې شوي دي، دغسې د قبائلي ضلعو پرمختګ لپاره د اے ډی پی تخمینه 20.263 اربه روپۍ لګولې شوې ده په كومو كښې چې ضم شويو ضلعو لپاره اے ډی پی 8.667 اربه، اے آئی پی 10.333 ارب او ایف پی اے 1.263 اربه روپۍ بېلې كړې شوي دي۔ دغسې د وفاق لخوا د راروان مالي كال بجټ كښې پے اېنډ الائونسز او پنشن كښې د اعلان كړې شوې اضافې لمخې د اخراجاتو تخمينه 35411.254 ملینه لګولې شوې ده۔ په كومو كښې چې صوبائی نګران کابینې د ګرېډ 1 څخه تر 16 صوبائی ملازمینو په تنخا كښې د 35 فیصد اېډهاک ریلیف او ګرېډ 17 څخه تر 22 صوبائي ملازمينو په تنخا كښې د 30 فیصد ایډهاک ریلیف اضافې منظوری وركړې ده۔ چې ورسره د راروانو څلور مياشتو د اخراجاتو تخمينه 29677.883 ملینه لګولې شوې ده۔ د پنشنرز پنشن كښې د 17.5 فیصده اضافې منظوري وركړې شوې ده او دې سره د څلور مياشتو اخراجاتو تخمينه 5015.884 ملین روپۍ لګولې شوې ده۔ كابينې د صوبائي ملازمينو به سفري الاؤنس ( ټریولنګ الائونس)كښې د 50 فیصد اضافې منظوری وركړې ده دې اضافې سره د راروانو څلور مياشتو د اخراجاتو تخمينه 133.874 ملین روپۍ لګولې شوې ده۔ دغسې د صوبائی معذور ملازمینو سپیشل کنوینس الائونس كښې 100فیصد اضافه شوې ده ، د صوبائی ملازمینو آرډرلی الائونس 14000 څخه زياتولو سره 25000 روپۍ كړې شوې دې۔ د صوبائی ملازمینو ډیپیوټېشن الائونس كښې هم 50 لفيصده اضافه شوې ده۔ سېکرټریټ پرفارمنس الائونس كښې 100فيصده اضافه شوې ده۔ دې اضافې سره د راروانو څلور مياشتو د اخراجاتو تخمينه 517 ملینه روپۍ لګولې شوې ده۔ کابینې د ایګزیکټیو الائونس تر او ایس ډی افسرانو پراختيا او اجرا منظوري هم وركړې ده۔ د مزدور د مياشتې لږ تر لږ اجرت 26000 څخه زياتولو سره 32000 ته رسولې شوې دې۔ د پوليس محكمې او جیل خانه جات ملازمینو مياشتنيز راشن الائونس 681 څخه زياتولو سره 1000 روپۍ كړې شوې دې۔ روان سكيمونو لپاره د بېل كړې شوي فنډ به 10 فیصده اجرا كولې شي۔ د دويانو اخستو او نورو لازمي چارو لپاره 100 فیصد ریلیز پالیسی به د هېلتھ ډیپارټمنټ په خواست وي۔ اېم ټی آئی روغتونونو ته به د مياشتې په بنياد 25 فیصده ريليز كېږي۔ دغسې د نان سېلری بجټ په مد كښې به هم د مياشتې 25 فیصده ريليز كیږي۔ نګران كابينې كفايت شعارۍ او د غېر ضروري خرڅونو كمولو له د دې اقداماتو منظوري وركړې ده۔ دغسې كابينې تر راروانو 4 مياشتو په نوؤ بھرتيانو بندېز لګولې دې۔ د نوؤ ګاډو په اغستو به هم بندېز وي۔ دا بندېز به د اېمبولېنسز، اور مړه كوؤنكو ګاډو ٬ ټرېکټرز، موټر سائیکلز، ریکوری وهیکلز او لائف سیونګ بوټس نه وي۔ په سرکاری اخراجاتو بهر هېوادونو كښې سيمينارونو او وركشاپس كښې په ګډون كولو به بندېز وي۔ د صوبائي حكومت په خرڅونو به بهر هېوادونو كښې د د درملنو په كولو به هم بندېز وي۔ په بېلو محكمو كښې د تېرو درې كالو څخه خالي ساتلې شوي پوسټونه به ختمولې شي۔ كومه هم محكمه به په خبل بېنك اكاؤنټ كښې سركاري محاصل ساتلې نه شي۔ وفاق څخه په نورو مدونو كښې د بقاياجات ترلاسه كولو له هڅې هم د راروان مالي كال بجټ برخه دي۔
