اسلام آباد 12 جون (اے پي پي) صدر مملکت ډاکټر عارف علوي په هېواد كښې د كوچنيانو د حقونو تحفظ او د چائلډ لېبر خاتمې لپاره د هلو ځلو ګړندۍ كولو په ضرورت زور رواړلو سره وئيلي دي چې سماجي انصاف او كوچنيانو ته تعليم وركولو سره د چائلډ لېبر خاتمه ممكن ده۔ د ايوان صدر پرېس ونګ لخوا د ګل په ورځ د جاري بيان له مخې صدر مملکت د دې خيالاتو څرګندونه د كوچنيانو د مشقت (چائلډ لېبر) نړيوالې ورځ په موقع خپل پېغام كښې كړې۔ ده ووئيل دا ورځ د چائلډ لېبر خاتمې او په دې لړ كښې شعور بېدارولو لپاره لمانځلې كېږي، د كوچنيانو مشقت په نړيواله كچه رامخې ته يو لوے چېلنج دے٬ د ملګرو ملتونو له مخې ګرده نړۍ كښې تقريباً 16 کروړ كوچنيانو په مشقت مجبور او هر لسم ماشوم مزدوي كوي۔ د ووئيل اګرچه په نړيواله كچه چائلډ لېبر كښې كمې راغلے خو بيا هم لا كار كولو ته اړتيا ده، سماجي انصاف او كوچنيانو ته تعليم وركولو سره د چائلډ لېبر خاتمه ممكن ده۔ ده ووئيل په دې لړ كښې حكومت٬ ټولنې٬ نجي څانګې او سول سوسائټۍ له به خپل كردار لوبول وي۔ ده ووئيل ميډيا، آجر او د نجي څانګې پشمول د ټولنې ټولو طبقو له په ګډه د چائلډ لېبر خاتمې لپاره دې كار وكړي
