اسلام آباد 04 دسمبر (اے پي پي) وزیراعظم عمران خان وئيلي دي د كلونو عبس پروت د اربونو جائېداد پكار راوستل او دې څخه ترلاسه آمدن سره د اولس خېرښګړې او د سكولونو٬ كالجونو او روغتونونو غوندې بنيادي آسانيو بهترۍ لپاره كارول د حكومت د پاليسۍ مهمه برخه ده٬ د اربونو جائېداد باوجود وفاقي ادارې په كلنه توګه د اربونو روپو زيان سره مخ دي٬ په ماضي كښې قېمتي جائېدادونه پكار نه راوستل مجرمانه بې غوري ده۔ وزیراعظم عمران خان دا خبرې د بېلا بېلو وزارتونو او وفاقي حكومتې ادارو د غېر استعمال شوې املاك پكار راوستو په اړه د غونډې مشرۍ كولو په مهال خپلې وېنا كښې وكړې۔ ده ووئيل غېر استعمال شوې املاك نه رامخې ته كوٶنكي يا د دغې په ښه ډول پكار نه راوستو په لار كښې د خنډانو راپېدا كوٶنكو سركاري چارواكو او ذمه وارو په ضد به سخته كاروائي كولې شي۔ وزیراعظم ایسټ منیجمنټ کمېټۍ، اړوندو وفاقي وزارتونو او صوبائي حكومتونو ته امر وكړو چې د رامخې ته شوي املاك پحقله دې ټولې چارې تر راتلونكې اوونۍ هوارې كړې شي دغسې چې د دې املاك په ښه ډول كارولو لپاره په پرېكړو عملدرآمد باوري كرې شي۔ په غونډه كښې د سمندري چارو وفاقي وزير علي حېدر زېدي، د نجكارۍ وفاقي وزير میا محمد سومرو، اووسيز پاكستانيانو لپاره د وزیراعظم خاص مرستيال سید ذوالفقار عباس بخاری، اطلاعات او خپرونو لپاره د وزیراعظم خاص مرستياله ډاکټر فردوس عاشق اعوان، د وزیراعظم وياند ندیم افضل چن، وفاقي سېكتران٬ سينئر وفاقي او صوبائي چارواكو ګډون وكړٶ۔ د نجكارۍ سېكتر رضوان ملك د بېلا بېلو وزارتونو او د وفاقي حكومت په څانګو كښې يو شمېر املاك په مثبت ډول پكار راوستو او د دغې د ممكنه نجكارۍ پحقله د اوسه تر پېشرفت نه خبر كړو۔ ده ووئيل د وفاقي كابينې د فرورۍ او مارچ د پرېكړو په رڼا كښې هر وزارت ته لږ نه لږ درې املاك د رامخې ته كولو امر شوې ٶ۔ ده ووئيل په وړٶمبي پړاٶ كښې د بېلا بېلو وزارتونو لخوا تر اوسه 32 املاك رامخې ته كړې شوې۔ ده ووئيل د دې جائېدادونو اندازه لګولو او په دې لړ كښې د سباٶن لائحې ته حتمي شكل وركولو لپاره د فنانشل اېډوائزر خدمات د اكتوبر په پائې كښې ترلاسه كړې شوې ۔ ده ووئيل د دې املاك ماركيټنګ به په دبئۍ اېكسپو كښې كولې شي دغسې چې بهر پاكستانيانو او سرمايه كارو پام دې قېتمي اثاثو پلو راوګرځولې شي۔
