اسلام آباد ۔ 30 اګست (اے پی پی) وزیراعظم عمران خان د كشمير تر آزادېدو په هر يو فورم د كشمير اولس د حقونو جنګ كولو اعلان كولو سره وئيلي دي نن ټول پاكستانې اولس كشميري اولس سره ولاړ دے۔ په هند د مسلمانانو په ضد د آر اېس اېس د كركې او هندو راج نظريې قبضه ده۔ كه هند آزاد كشمير كښې كوم حركت وكړو نو د خښتې ځواب به په ډبره وركوو۔ زمونږ وسله وال ځواكونه چمتو ولاړ دي۔ د جمعې په ورځ وزیراعظم سېکرټرېټ څخه بهر كشميري اولس سره د يو والي څرګندونې دستورې ته خطاب كښې ده ووئيل نن ټول پاكستانې اولس خپلو كشمير وروڼو سره ولاړ دے۔ ده ووئيل نن كشمير سخت پړاؤ څخه تېرېږي۔ نزدې 80 لكه كشميري وګړي د تېرو 4 اونيو څخه كرفيو سره مخ دي۔ ده ووئيل نن به نړۍ ته پېغام لاړ شي چې تر كومې كشميري اولس آزادي ترلاسه نه كري ټول قام به دوئي سره ولاړر وي او تر آخري ساه به ورسره وي۔ ده ووئيل آر اېس اېس 1925ء كښې جوړ شو او د دغې تر ټولو لويه جذبه د مسلمانانو په ضد كركه وه۔ دا د هټلر نازي ګوند څخه متاثر ګوند ؤ ۔ دې نظريې په هند قبضه وكړه۔ ده ووئيل كه كشميري اولس مسلمان نه وې نو نن ټوله نړۍ به كشمير سره ولاړه وه ولې دا خبره د افسوس وړ ده چې په مسلمان ظلم كېږي نو نړيواله ورورولي او د ملګرو ملتونو په ډول انصاف رسوونكې دارې غلې پاتې دي۔ ده ووئيل نن په نیویارک ټائمز كښې يو مضمون چھاپ شوې كوم كښې چې ما نړۍ ته وئيلي دي چې كشميري اولس سره ظلم روان دے او بله دا چې د آر اېس اېس يوه نظريه ده كومې چې په هند قبضه كړې ۔ دې نظريې ګاندھي وژلې ۔ هغه كوم نړيوال قانون نه مني۔ دا يوازې هندتوا او هندو راج مني۔ وزيراعظم ووئيل هندي حكومت د نړۍ پام د كشمير مسئلې څخه ګرځولو له د بالاكوټ په ډول كوم جعلي فلېګ آپرېشن كولې شي۔ د مودی فاشسټ حکومت په كشميري اولس د روانو ظلمونو كه مخنيوي اونه مړي نو د دې اثرات به په ټوله نړۍ راشي۔ هند كه آزاد كشمير كښې كوم حركت وكړو نو د خښتې ځواب به په ډبره وركوو۔ وزیراعظم ووئيل نړۍ ته بايد معلومه شي چې د دوه اتومي هېوادونو يو بل ته مخامخ كېدو سره به زيان يوازې د نيمې اوچې نه د ټولې نړۍ وي۔ دې څخه وړاندې د مقبوضه كشمير اولس سره د يو والي څرګندونې دستورې په پېل د پاكستان او آزاد كشمير قامي سرودونه وغږولې شول۔ دستوره كښې ګډون كوؤنكو د پاكستان او كشمير بېرغې پورته كړې وې۔ په دې مهال د وزيراعظم د اطلاعات خاص مرستياله داكټر فرودس عاشق اعوان، د كشمير او ګلګت بلتستان چارو وفاقي وزير علی امین ګنډا پور، د پارلماني چارو وزير علی محمد خان او د وزيراعظم خصوصي مرستيال نعیم الحق په شمول پارلماني غړي ٬ سركاري ملازمان ٬ د سكولونو او كالجونو طالبعلمان او عام وګړي په لويې شمېر موجود وو
