پېښور 07 جون (اے پي پي﴾ د دفاع وزير پروېز خټك وئيلي دي چې وزيراعظم عمران خان به په ريښتينې معنٰي پاكستان د باوقار هېوادونو په صف كښې ودروي٬ وزيراعظم به د نړۍ په هېوادونو په منطقه كښې د پاكستان اهميت واضح كړي ځكه چې په منطقه كښې پوخ امن لپاره پاكستان مهم كردار ترسره كوي٬ صوبائي حكومت د شهادتونو په ترلاسه كېدو د وړوكي اختر اعلان كړے۔ ده دا خبرې په مانكي شريف كښې په خپله استوګنه بېلا بېلو پلاوو سره د خبرو په مهال وكړې۔ د دفاع وزير ووئيل چې وفاقي حكومت هڅه كوي چې د پخوانو واكمنو د كرپشن او لوټلو بوج په اولس پرې نه وځي۔ ده ووئيل چې اولس ته باور وركوم چې پاكستان به ډېر زر د دې سختو حالاتو نه ووځي او اولس او هېواد به پرمختګ وكړي۔
