اسلام آباد ۔ 01 مئی (اے پی پی) اولس مشر ډاكټر عارف علوي وئيلي دي د روان كال په مهال مونږ د مزدورانو نړيواله ورځ دې لوظ سره لماځو چې مونږ به د مزدورانو وقار لپاره عزم لرونكې پاتې كېږو او خپلو بنيادي حقونو لپاره د مزدورانو د تاريخي او بهادرۍ هڅو ته د عقيدت پېرزوينې وړاندې كوو۔ ده د دې خيالاتو څرګندونه د مزدورانو نړيوالې ورځې په مهال خپل پېغام كښې وكړه كومه چې نن لمانځلې شي۔ اولس مشر ووئيل دا ورځ نه يواځې د مزدورانو د هڅو ياد تازه كوي بلكې په قومي پرمختګ او سوكالۍ كښې ددوئي د اهميت اعتراف هم دې۔ ده ووئيل مونږ باور لرو چې په پېداواري عمل كښې مالك او مزدور شراكت دار دي او ددوئي خپلو كښې تعاون د صنعت استعداد او د هېواد سماجي او معاشي پرمختګ له زيات ضروري دې۔ ده ووئيل حكومت مزدورانو ته د پېښو مسئلو هواري له”احساس پروګرام” پېل كړې دې۔ ددې پروګرام مقصد د مزدورانو استحصال ختمول او د تنخاګانو ٬ روغتيا او تحفظ په لړ كښې ددوئي د حقونو احترام باوري كول دي۔ ده ددې باور څرګندونه وكړه چې د موجوده حكومت په دور كښې به د مزدورانو د حقونو په فعاله ډول تحفظ وكړې شي۔ ده په صوبائي حكومتونو زور راوړو چې هغه دې د وركرانو د حقونو تحفظ له خپل ګامونه تند كړي۔ ده په مالك او مزدور زور راوړو چې هغوي دې راوړاندې شي او پاكستان پرمختګ كړې هېواد جوړولو كښې دې خپل كردار ترسره كړي۔ ده ووئيل راځۍ چې په دې ورځ مونږ دعا له لاس پورته كړو او د پاكستان د خوشحالۍ او عظمت لپاره يو وارې بيا د خپل عزم څرګندونه وكړو۔
