چينائي كمپنۍ به د روان كال په مهال هم راول انټرنېشنل اېكسپو كښې سټالونه لګوي۔ ياؤ جنګ
پنډۍ ۔12جنوری (اے پی پی) پاکستان كښې د چين سفير ياؤ جنګ وئيلي دي چين پاكستان سره خپلې اړيكې مهمې ګڼي۔ سي پېك سره به د پاكستان معيشت وده ومومي۔ نجي څانګه دې د خصوصي اقتصادي زونز په جوړولو كښې خپل كردار ترسره كړي۔ اقتصادی زونز جوړېدو سره به ځائي صنعت پرمختګ وكړي او د روزګار موقعې به رامخې ته شي۔ ددې خيالاتو څرګندونه ده د راولپنډی چېمبر آف کامرس اېنډ انډسټری صدر ملک شاهد سلیم په مشرۍ كښې ملاقات كوؤنكي پلاوي سره خبرو كښې وكړه۔ پلاوي سره خبرو كښې د چين سفير ووئيل چينائي كمپنۍ به د روان كال په مهال هم راول انټرنېشنل اېكسپو كښې سټالونه لګوي۔ په دې مهال صدر ملك شاهد سليم خپلو خبرو كښې ووئيل چين د پاكستان يو د باور وړ ملګرې هېواد دے۔ په خصوصي اقتصادي زونز كښې دې د چين كمپنۍ د ګډې منصوبې پېل كړي۔ تربيې له دې په ګډه ادارې جوړې كړې شي دغسې چې هنرمند كسانو ته نوې مشينري او انجنئیرنګ وښودلې شي۔ ملك شاهد سليم زياته كړه چې د پاكستاني مصنوعاتو چين ته په برآمد كولو دې ټېرف رېټ كم كړې شي
