اسلام آباد 05 جنوري (اے پي پي) د روغتيا وفاقي وزير عامر محمود كياني او د پنجاب د روغتيا وزيرې ډاكټر ياسمين راشد په پېنډې كښې د بېلا بېلو ډسپنسرو دوره وكړه او رنځورانو ته د وركول كېدونكو طبي اسانيو جاج ئې واخستو۔ په دې موقع د روغتيا وفاقي وزير عامر محمود كياني ووئيل چې د پېنډې په 7 ډسپنسرو كښې 5 ډسپنسرې 24 ساعتونو لپاره د پرانستلو پرېكړه شوې چې دغسې د رنځورانو ستونزې ختمې كړې شي۔ وفاقي وزير ووئيل چې حكومت د روغتيا څانګې لپاره انقلابي اقدامات كوي۔ په تېر وخت كښې دې څانګې ته پام نه دې شوے۔ ده ووئيل چې پاكستان خوشحال جوړول زمونږ د قائد وژن دے او هغه وخت لرې نه دے چې په هر كور كښې به د صحت رڼا خپره شي۔ ده ووئيل چې په راتلونكو 15 مياشتو كښې به د پاكستان 50 فيصده آبادي د روغتيا د كارډ نه استفاده وكړې شي۔ د دې نه پس وفاقي وزير عامر محمود كياني د پولي كلينك روغتون ناڅاپي دوره وكړه او د طبي اسانيو جاج ئې واخستو۔ وفاقي وزير ووئيل چې رنځورانو ته د اسانيو په وركولو كښې به كوتاهي نه شي زغملې۔
