اسلام آباد 19دسمبر(اے پی پی)صدر ډاكټر عارف علوي په هېواد كښې فاصلاتي او آن لائن تعليمي نظام ته د پراختيا وركولو په ضرورت زور راوړولو سره وئېلي دي د موجوده دور تقاضو له مخې د آئي ټي ګريجويټس او هنرمند افرادي قوت رامخې ته كول ضرورې دي٬ ټولنه دې تعليم يافته ځوانانو او مېرمنو ته د هغوي د اهليت له مخې د كار كولو موقع وركړي۔د دې خيالاتو څرګندونه ده د نهې په ورځ د ورچوئل پوهنتون 13م كانووكېشن ته وينا كولو په مهال كړې۔صدر مملكت ووئيل پوهنتونونو ته تر آن لائن تعليم رسنه خپل ترجيحات كښې شاملول پكار دي٬زده كوونكو ته جديد ټېكنالوجۍ كښې د تعليم رسنې لپاره آن لائن ايجوكېشن زياتول ضرورې دي ۔ده ووئيل تعليم ته د پام كولو په نتيجه كښې به غربت كم او د صحت صورتحال ښه شي۔صدر مملكت د پوهنتون فارغ شوو زده كوونكو ته ووئيل تاسو په ټولنه كښې د خپل مثبت كردار د لارې د هېواد روښانه سباؤن او خوشحالۍ لپاره خپل كردار ادا كړئ ۔ده ووئيل په هره څانګه كښې د جديد ټېكنالوجۍ تند رفتاره پرمختګ تر مخه موجوده حالات كښې د انفارمېشن ټېكنالوجۍ تعليم د اهميت وړ دے۔ډاكټر عارف علوي ووئيل په ټولنه كښې ښه اقدار او اخلاقيات ته وده وركول د وخت مهم ضرورتونه دي ٬د تعليم په مېدان كښې بايد زده كوونكو هلكانو او مېرمنو ته يو ډول موقع وركړې شي۔صدر مملكت ووئيل اعلٰی تعليم يافته آئي ټي ګريجويټس د موجوده او د سباؤن زياتو شوو ضرورياتو پوره كولو لپاره رامخې ته كول پكار دي۔ده په ټولنه كښې په شعور لرونكو زور راوړلو چې تاسو تعليم يافته ځوانانو او مېرمنو ته د هغوي د صلاحيتونو له مخې كار كولو كښې د مرستې موقع پیدا كړي۔صدر مملكت په زده كوونكو په ټولنه كښې د اخلاقيات٬يووالي او برداشت ته د ودې وركولو په ضرورت هم زور راوړو۔ده ووئيل د تعليم په مېدان كښې پرمختګ سره به پاكستان په اقتصادي او سماجي توګه ترقي وكړي۔ده ووئيل هېواد له په تعليم كښې مخ په وړاندې تلل ضروري دي٬مونږ له به د اخلاقيات اصول هم خپلول وي۔صدر ووئيل په پاكستان كښې د سكولونو څخه بهر ماشومانو شمېره 2 كروړه 80 لكه څخه زياته ده۔ده ووئيل په نړۍ كښې ټېكنالوجي په تندۍ سره پرمختګ كوي٬مونږ له د موجوده دور تقاضو له مخې آئي ټي ګريجويټس رامخې ته كول پكار دي۔كانووكېشن ته د ورچوئل پوهنتون ريكټر پروفيسر ډاكټر اشد سليم بهټي هم خطاب وكړو۔په دستوره كښې د انفارمېشن ټېكنالوجي اينډ ټيلي كميونيكېشن وفاقي سېكرټري حسن ناصر جامي٬د پوهنتون بېلو څانګو مشرانو٬زده كوونكو او د هغوي والدين په لويه شمېره ګډون كولو۔ دې څخه وړاندې صدر مملكت د كانووكېشن په مهال په اعلٰی تعليمي كاركردګۍ 34 زده كوونكو ته د سرو زرو ميډال وركړل۔
