اسلام آباد۔6ستمبر(اے پی پی) د اطلاعاتو او خپرونو وفاقي وزير چوهدري فواد حسېن وئيلي دي د 6 ستمبر لمر هر کال زمونږ د ملي جذبو ياد تازه كولو او هېواد لپاره د خپلو ځانونو د قربان كولو لوظ پخلي سره راخېژي۔ د پاکستان د دفاع ورځ زموږ د ملي یووالي او پیوستون غوره عكاسي كوي٬ مونږ به وسله والو ځواكونو سره په ګډه د ګران هېواد تحفظ لپاره كوم كمې نه كوؤ۔ د دې خيالاتو څرګندنه هغه د پاكستان دفاع ورځې په موقعه خپل پېغام كښې وكړه۔ هغه ووئيل د 6 ستمبر لمر هر کال زمونږ د ملي جذبو ياد تازه كولو او هېواد لپاره د خپلو ځانونو د قربان كولو لوظ پخلي سره راخېژي۔ په 6 ستمبر 1965ء زمونږ مېړني پوځ د ټول قام ترڅنګ ودرېدو سره د دښمن ناوړه ارادې ناكامه كړې۔ هغه ووئيل مونږ به خپلو وسله والو ځواكونو سره په ګډه د هېواد تحفظ لپاره كوم كمې نه كوؤ۔ د دفاع ورځ زمونږ د ملي يو والي او پېوستون عكاسي كوي۔ هغه ووئيل د دفاع جذبه يوازې تر 6 ستمبر محدوده نه ده بلكې د دې حقيقي روح ټول كال ژوندے وي۔ هغه ووئيل د ترهګرۍ او شدت خوښۍ په ختمولو كښې د پاك پوځ مړانه او غوره پېشه ور صلاحيت او قامي پرمختګ ٬ د جمهوريت مضبوطيا او نړيوال امن لپاره هڅې د ستائنې وړ دي۔
