اسلام آباد 29 جنوری (اے پی پی) د وظيفائي چارو وفاقي وزير شفقت محمود وئيلي دي د ګرد هېواد د 28 تعليمي بورډز د امتحانې شېډول او د ټولو پوهنتونونو د داخلو تيټو يو كولو لپاره هڅې كوٶ۔ وفاقي وزير دا خبرې د نهې په ورځ د فېډرل بورډ آف انټرمېډيټ اېنډ سېكنډري اېجوكېشن د اعزازونو او انعامونو د وېش دستورې ته خپلې وېنا كښې وكړې۔ ده ووئيل ګرد هېواد كښې يو ډول تعليمي نصاب رائج كولو لپاره قامي نصاب كونسل جوړ كړې شوې۔ ده ووئيل هېواد كښې د خواندګۍ شرح 58 فيصده ده كومه چې ډېره كمه ده ٬د خواندګۍ په لړ كښې تازه شمېرې ترلاسه كولو لپاره كار روان دے٬ ده ووئېل دا صورتحال د فكر وړ دے ځكه چې تر اوسه 2 كروړه ماشومان د سكولونو نه بهر دي او په دې لړ كښې يو ټاسك فورس جوړ كړې شوې كوم چې به يو جامع منصوبه وړاندې كوي ٬ده ووئېل اسلام اباد كښې پائلټ پراجېكټ پېل كړې شوې كوم چې به وروستو ګرد هېواد كښې نافذ كولې شي۔ په دې موقع د فېډرل بورډ چيئرمېن هم دستورې ته وېنا وكړه
