اسلام آباد 18 نومبر (اے پي پي) وزيراعظم عمران خان د متحده عرب اماراتو په يوه ورځنې سركاري دوره لاړو۔ وزيراعظم ته د دورې بلنه د ابوظهبي ولي عهد شېخ بن زېن بن سلطان النهيان وركړې۔ وزيراعظم سره په دوره كښې خارجه وزير٬ د خزانې وزير٬ د توان وزير٬ د پېټروليم وزير او د وزيراعظم د تجارت سلاكار هم شامل دي۔ وزيراعظم به د دورې په مهال د ابوظهبي ولي عهد شېخ محمد بن زېد سره په ملاقات كښې په دوه اړخيزه اړيكو٬ سيمه ايزو او نړيوالو چارو خبرې كوي۔ وزيراعظم عمران خان به د متحده عرب اماراتو نائب صدر او وزيراعظم شېخ محمد بن راشد المكتوم سره هم مهم ملاقات كوي۔ د وزيراعظم دوره به د پاكستان او متحده عرب اماراتو ترمېنځه د اړيكو لا استحكام او د دوه اړخيزه مرستې ودې لپاره ډېره مهمه ثابته شي۔
