اسلام آباد۔27 مئی(اے پی پی ) د ميډيا چارو لپاره د وزيراعظم خاص مرستيال ډاكټر مصدق ملك وئيلي چې سياسي او اقتصادي استحكام لپاره ټرت اېنډ ري كنسلېشن جوړول به په غوره قامي ګټه كښې وي۔ د اتوار په ورځ نجي ټي وي چېنل سره خبرو كښې ده ووئيل د دې كېمشن جوړېدل د هېواد تند پرمختګ او سوكالۍ له هم ضروري دي۔ ده په ټولو سياسي ګوندونو زور راوړو چې د هېواد پرمختګ او خېر ښېګړې باوري كولو له ددې كمېشن جوړېدل باوري كړي۔ ده ووئيل پخواني وزيراعظم نواز شريف د ټرت اېنډ ری کنسلېشن کمېشن د لارې د جوړې كړې شويو مقدمو په اړه كومه خبره نه ده كړې۔ ده ووئيل نواز شريف خو ټول عمري د هېواد او د اولس د غوره سباؤن خبره كړې او د پاک چین اقتصادی راهدار٬ۍ منصوبې په شمول ئې د اولس د خېر ښېګړې منصوبې پېل كړې كومې به چې د اولس قسمت بدل كړي۔ ده ووئيل د نواز شريف د نااهلۍ په سبب په ملكي معيشت او اسټاك اېكسچېنج منفي اغېز راغلې۔ د يوې پوښتنې په ځواب كښې ده ووئيل د پاكستان تحريك انصاف لارښودو ټول عمري هېواد كښې د ناامنۍ او احتجاج سياست كړې۔
