اسلام آباد-02 ڊسمبر (اي پي پي) گاڏين جي خريداري لاءِ بئنڪن طرفان قرض جاري ڪرڻ ۾ آڪٽوبر دوران ساليانو بنيادن تي گهٽتائي رڪارڊ ٿي آهي. اسٽيٽ بئنڪ طرفان فراهم ڪيل قرضن جو ڳاڻيٽو 236 ارب روپيا رڪارڊ ڪيو ويو جيڪو گذريل سال آڪٽوبر جي ڀيٽ ۾ 10.7 سيڪڙو گهٽ آهي. گذريل سال آڪٽوبر ۾ گاڏين جي خريداري لاءِ بئنڪن طرفان مجموعي طور تي 264 ارب روپين جا قرض جاري ڪيا ويا هئا. سيپٽمبر جي ڀيٽ ۾ آڪٽوبر ۾ گاڏين جي خريداري لاءِ بئنڪن طرفان قرض جاري ڪرڻ ۾ ماهوار بنيادن تي 3.7 سيڪڙو جي گهٽتائي ٿي. سيپٽمبر ۾ گاڏين جي خريداري لاءِ بئنڪن طرفان صارفين کي 228 ارب روپين جا قرض جاري ڪيا ويا جيڪي آڪٽوبر ۾ وڌي 236 ارب روپيا ٿي ويا.
